नवी दिल्ली : वृत्तसंस्था
भारतीय रेल्वे भारतीय अर्थव्यवस्था आणि कनेक्टिव्हिटीचा कणा मानली जाते. लोकांना जोडण्याचे आणि दूरपर्यंत माल वाहतूक करण्याचे काम रेल्वेने करीत आली आहे. त्यातच आता रेल्वेच्या खाजगीकरणाचेही प्रयोग सुरू आहेत. त्यातच पहिली खाजगी रेल्वे म्हणून गणली गेलेल्या तेजस एक्स्प्रेसने या वर्षी आॅक्टोबरपर्यंत ७० लाख रुपयांचा नफा कमावला. पहिल्या महिन्यातच एवढी घसघशीत कमाई झाली तर तिकिटांच्या विक्रीतून ३.७० कोटी रुपये कमावले. भारतातील पहिल्या खासगी ट्रेनची ही आजवरची सर्वात मोठी कमाई आहे.
भारतीय रेल्वेने खानपान आणि पर्यटन कार्पोरेशनच्या लखनौ-दिल्ली तेजस एक्स्प्रेस, रेल्वेच्या ५० रेल्वे स्टेशनला जागतिक मानकांच्या अनुरुप विकसित करण्याच्या योजनेचा हिस्सा आहे. तसेच खासगी प्रवासी ट्रेन आॅपरेटरांना आपल्या नेटवर्कवर १५० ट्रेन चालवण्याची परवानगी देत आहे. ५ आॅक्टोबर रोजी परिचालन सुरू झाल्यानंतर ही ट्रेन सरासरी ८०-८५ टक्के प्रवाशांसोबत चालली आहे. ५ आॅक्टोबरपासून २८ आॅक्टोबरपर्यंत (ट्रेन आठवड्यातून ६ दिवस चालते, एकूण २१ दिवस) आयआरसीटीसीद्वारे ट्रेन चालवल्याने सुमारे ३ कोटीचा खर्च आला. परंतु या तुलनेत पहिल्याच महिन्यात या खाजगी रेल्वेने रग्गड कमाई केली आहे. याच पद्धतीने रेल्वे विभागाने नियोजन केल्यास रेल्वे विभागदेखील प्रचंड फायद्यात राहू शकतो, हेच या खाजगी रेल्वेने दाखवून दिले आहे.
रेल्वेचा रोज सरासरी
१४ लाखांचा खर्च
रेल्वेची सहायक कंपनी ही अत्याधुनिक ट्रेन चालवण्यासाठी रोज सरासरी सुमारे १४ लाख रुपये खर्च करते. तसेच प्रवाशी भाड्यातून दिवसाला सुमारे १७.५० लाख रुपये कमावते. लखनौ-दिल्ली मार्गावर तेजस एक्स्प्रेसचा पहिला अनुभव आहे. त्यामुळे गैर रेल्वे आॅपरेटर आणि आपली सहायक कंपनी आयआरसीटीसीद्वारे ट्रेन चालवली जात आहे, असे सांगण्यात आले.
